Ukraina Prezidenti Petro Poroşenko ‘‘2018 senesi içün Ukraina Devlet büceti aqqında Ukraina qanunına yapılğan 3-nci ilavege deñişmelerni kirsetüv aqqında’’ Ukraina qanunını imzaladı.

Yuqarıda qayd etilgen deñişmeler içtimaiy reabilitatsiya, tıbbiy ve içtimaiy hızmetlerni berüv ve Levko Lukyanenko adına devlet stipendiyalarnı tölev ile bağlı olğan bücet paralarını işletüvniñ yönelişlerini kenişletmege imkân yarata.

Qanun vaqtınca işğal etilgen topraqlar ve devlet içinde köçken şahıslar meseleleri boyunca Ukraina Nazirligi tarafından belgilengen bücet programmasınıñ adını işbu şekilde deñiştire:

‘‘Rusiye Federatsiyasinıñ topraqlarında, ya da vaqtınca işğal etilgen Ukraina topraqlarında cemaat, ya da siyasiy faaliyetleri sebebinden Rusiye Federatsiyasınıñ akimiyet organları, işğalci akimiyet, ve/ya da qanunsız silâlı teşkilâtlar tarafından şahsiy azatlıqtan marum etilgen şahıslarnıñ aq-uquqlarını ve menfaatlarını qorçalav, içtimaiy reabilitatsiyalarını temin etüv ve yuqarıda qayd etilgen şahıslarğa ve olarnıñ qoranta azalarğa qol tutuv, bu cümleden, olarnı ziyaret etüvnen bağlı masraflarnıñ tazminatı, işbu şahıslarğa ve olarnıñ qoranta azalarına uquqiy yardımnıñ, içtimaiy ve tıbbiy hızmetlerniñ berilüvi, Levko Lukyanenko adına devlet stipendiyalarnıñ tölevi boyunca tedbirler’’.