Herson vilâyetine iş ziyareti çerçivesinde Prezident Petro Poroşenko ‘‘Tavriya’’ futbol klubu ve bala futbol akademiyası içün yañı ‘‘Tavriya’’ stadionı qurulıcığınıñ başlanmasına sertifikat taqdim etti.

‘‘Bu yalıñız sertifikat degil, yañı stadionnı qurıp bitirmek mecburiyetini öz boynumızğa alamız. Qırım futbolcıları Ukraina olarnı hatırlap qayğırğanını is eterler’’, – dep bildirdi Petro Poroşenko.

Devletimizniñ Başlığı qayd etti ki, Qırım futbolcıları, Qırım futbol Federatsiyası ukrain Qırımınıñ futbolcıları içün yañı stadionnı arzu etip, onıñ qurucılığını başlamaqnı rica ettiler. ‘‘Al-azırda işğal altında bullunğan Qırım bizni eşitsin – biz sizni hatırlaymız. Ukrainanıñ Qırımğa, Qırımnıñ ise Ukrainağa qaytuvı içün qolumızdan kelgenini yaparmız’’, – dep qayd etti Petro Poroşenko.

Devletimizniñ Başlığı Ukraina futbol Federatsiyasınıñ prezidenti ile beraber ‘‘Tavriya Simferopol’’ futbol klubına ve Qırımdan köçip kelgenlerniñ balaları içün teşkil etilgen Bala futbol akademiyasına futbol urbalarını taqdim ettiler.

‘‘Tavriya Simferopol’’ FK kapitanı öz nevbette Petro Poroşenkoğa klubnıñ futbol kölmegini bağışladı. Devletimizniñ Başlığı öz minnetdarlığını bildirip, ‘‘Tavriyanıñ futbol kölmeginde esas yazı – «Qırım Ukrainadır»’’, – dep qayd etti.