Ukraina Prezidentiniñ Qırım MC Daimiy Temsilcisi Borıs Babin ve Temsilcilikte halqara alâqalar hızmetiniñ baş mesleatçısı Valeriya Pahomova Ukrainada Qaçaqlarnıñ işleri boyunca BMT Agentliginiñ Vekili ve hadimleri ile körüşti.

Körüşüv devamında bir sıra gumanitar mesele, bu cümleden, Qırımdan kelip ketken ya da  köçken Ukraina vatandaşlarına vaqtınca işğal etilgen Qırım toprağında ölüm ve doğuv adiseleriniñ tasdıqlanması, evenüvniñ qaydı boyunca memuriy hızmetleriniñ berilüvi muzakere etildi. Agentlikniñ ve Ukraina akimiyet organlarnıñ Qırımdan sürgün etilgen vatandaşlarnıñ aq-uquqlarınıñ qorçalavınen bağlı faaliyetine ayrıca diqqat etildi. Borıs Babin toplaşuvda bulunğanlarğa Temsilcilikniñ kündelik faaliyeti ve vaqtınca işğal etilgen Qırım ile sıñırında yerleşken Herson vilâyetiniñ mesken yerlerinde Memuriy hızmet merkezleriniñ teşkil etilüvi ve donatıluvı, sürgün etilgen vatandaşlarnıñ, bü cümleden, memleket içinde mecburen köçken şahıslarnıñ aq-uquqlarınıñ qorçalavı, Qırım sakinleriniñ aq-uquqlarınıñ qorçalavı boyunca ameldeki qanuniyetke deñişmelerniñ kirsetilüvi boyunca Temsilcilikniñ teşebbüsi aqqında haber etti.

‘‘Qalançaq’’ ve ‘‘Çonğar’’ KÇNN-nıñ minimal seviyede abadanlaştırmaq kerek olğanı qayd etildi.

Körülşüvniñ neticesi olaraq, vekâletleri çerçivesinde vazifelerni daa semereli şekilde becermek maqsadınen, taraflar kelecekte işbirbilk, malümatnen paylaşuv ve Qaçaqlarnıñ işleri boyunca BMT Agentligi eyetininiñ Herson vilayetine ziyareti aqqında añlaştılar.