2018 senesi arman ayı (august) 20 künü Ukraina Prezidentiniñ Qırım MC Daimiy Temsilcisi Borıs Babin ve onıñ Birinci muavini İzet Gdanov ameldeki devletler arası añlaşmalarnıñ çerçivesinde Azaq deñizinde balıqçılıq meseleleri b0yunca RF ile munasebetler mevzusında devlet organlarınıñ umumiy fikirini şekillendirüv, Qara deñizde ukrain balıqçılarnıñ menfaatlarını qorçalav boyunca iş muşaveresini keçirdiler.

Muşaverede Ukraina balıqçılıq Agentliginiñ, Ukraina milliy havfsızlıq ve mudafaa Şurasınıñ, Ukraina havfsızlıq Hızmetiniñ, Ukraina adliye Nazirliginiñ, Ukraina mudafaa Nazirliginiñ, Ukraina devlet sıñır Hızmetiniñ, ‘‘Ukraina deñiz limanlari Memuriyetiniñ’’ ve basqa devlet akimiyet organlarınıñ vekilleri iştirak etti. Muşavere devamında Azaq deñizinde balıqçılıq meseleleri boyunca Ukraina-Rusiye Komissiyanıñ nevbetteki XXX sessiyasınıñ toplaşuvında köterilecek meseleler ve Azaq deñizinde balıqçılıq boyunca ameldeki eki taraflama añlaşmalar çerçivesinde ve Qırımnıñ vaqtınca işğali şaraitlerinde RF ile munasebetlerniñ istiqbali muzakere etildi

Toplaşuv iştirakçileri balıqşılıq ile oğraşqan ukrain fizikiy ve uquqiy şahısları tarafından Ukraina qanuniyetine binaen rusiye qanunsız sıñırlavlarına qarşılıq kösterüv boyunca umumiy fikirni şekillendirüv maqsadınen nevbetteki areketlerniñ planını uyğunlaştırdılar