2018 senesi berim ayı (sentâbr) 6 künü Ukraina Prezidentiniñ Qırım MC Daimiy Temsilcisi Borıs Babin Odessa şeerinde Konrad Adenauer Fondunıñ qol tutuvı ile keçirilgen ‘‘Qaradeñiz regionında zemaneviy cenkler ve eski çatışmalar’’ mevzusında Halqara konferentsiyada iştirak etti. Tedbirde Ukraina haber siyaseti Naziriniñ Birinci muavini Emine Ceppar ve Azerbaycan, Bulğarıstan, Büyük Britaniya, Ermenistan, Gürcistan, Estoniya, Moldova, Finlândiya ve Ukraina devletlerinden itibarlı mütehassıslar iştirak etti. Borıs Babin öz maruzasında devam etken Qırım işğaliniñ uquqiy, siyasiy ve havfsızlıq ceetten aqibetlerini tarif etti, bu cümleden, Qırımdan kelgen rusiye istilâsınıñ Qaradeñiz regionındaki insaniy, iqtisadiy ve ekologik ceryanlarğa tesirine diqqatnı celp etti. Qırımnı ve etraftaki deñizni Rusiye tarafından silâlaştıruv, yarımadanıñ işğali ile bağlı olğan sanktsıyalarnıñ ameliy meseleleri ekspertlerde eñ ziyade meraq doğurdı