2018 senesi oraq (iyül) ayı 31 künü, Novooleksiyivka qasabasınıñ sakinlerinen Ukrainanıñ vaqtınca işğal etigen Qırım toprağında yaşağan Ukraina vatandaşlarına berilgen memuriy hızmetlerniñ keyfiyetini yükseltmek maqsadınen Temsilcilikte Qırımtatar Milliy Meclisiniñ, Herson vilâyeti memuriyetiniñ, Ukraina Adliye Nazirliginiñ Herson vilâyetindeki yerli idaresiniñ ve Ukraina devlet migratsiya hızmetiniñ Herson vilâyetindeki idaresiniñ qol tutuvı ile Ukraina Prezidentiniñ Qırım Muhtar Cumhuriyetindeki Temsilciligi, Novooleksiyivka qasaba şurası ve ‘‘Strategik araştıruvlar boyunca Qırım institutı’’ cemaat teşkilâtı arasında qarşılıqlı alâqa ve işbirlik aqqında Memorandum imzalandı.

Ukraina Prezidentiniñ Qırım MC Daimiy Temsilcisiniñ Birinci muavini qayd etkenine köre, Memorandum çerçivesinde taraflar arasında Novooleksiyivka qasaba şurasınıñ topraqlarında Reglamentte qayd etilgen künlerde vaqtınca işğal etilgen Qırımda yaşağan Ukraina vatandaşları içün çalışacaq Memuriy hızmet merkezini teşkil etüv boyunca qarşılıqlı alâqa ve sıqı işbirlik qurulacaqtır.

Avtomatik şekilde çalışacaq eki iş yeri, bedava uquqiy yardım bereceq noqta, bundan da ğayrı, bu Memuriy hızmet merkezinde noter ofisiniñ açıluvı muzakere etilmekte.

Memorandumnıñ imzalanmasından soñ taraflar añlaşmalarınıñ ilk nevbetteki tedbirlerni yerine ketirüvni, faaliyetleri aqqında haber etüvni ve acele sürette malümatnen paylaşuvnı muzakere ettiler.

Memuriy hızmet merkezi tahminen 2018 senesi boş ayda (noyabrde) açılacaqtır.