2018 senesi boş ay (noyabr) 21 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov Ukraina Yuqarı Şurası içtimaiy siyaset, meşğullik ve pensiya ile teminlev meseleleri boyunca Komitetiniñ oturışunda iştirak etti.

Birinci muavin memleket içinde köçken, ya da vaqtınca işğal etilgen Qırımdan kelip ketken vatandaşlarnıñ aqlarını temin etmege kerek olğanını qayd etti.

Çıqış esnasında vaqtınca işğal etilgen Qırımdan qıta Ukrainağa köçken Ukraina vatandaşlarını pensiya ile teminlevge ayrıca diqqat berildi. Ukraina pension Fondu memleket içinde köçken şahıslarnıñ pensiya tölevlerini ğayrıdan tiklev aqlarını bozğanı qayd etildi. Qayd etilgen meseleler boyunca 2018 senesi boş ay 23 künü Temsilcilik idareler arası muşavere keçirip, muayyen qararlar ve teklifler üzerinde çalıştı. Kelecekte vaqtınca işğal etilgen Qırım civarındaki rayonlarda  işbu meselelerniñ parlament tarafından nezaret etilmesi maqsatqa uyğun dep tanıldı.