2018 senesi qural ay (mayıs) 8 künü Ukraina devlet avia hızmetiniñ binasında Ukraina Prezidentiniñ Qırm MC Daimiy Temsilcisiniñ Birinci muavini İzet Gdanovnıñ yolbaşçılığı altında Qırım yarımadası üstünde qapatılğan ava boşluğunı işletken ava yolları şirketleriniñ faaliyetlerini toqtatuv boyunca iş gruppanıñ muşaveresi keçiridi.

Muşaverede Ukraina devlet avia hızmetiniñ, Ukraina Tışqı işler nazirliginiñ, Ukraina havfsızlıq hızmetiniñ ve Ukraina tışqı istihbaratnıñ temsilcileri de iştirak etti.

Oturış devamında işğal etilgen Qırımğa seferlerini teşkil etken ava yolları şirketleriniñ faaliyetlerini toqtatmaq maqsadınen merkeziy akimiyet organları tarafından yapılacaq areketler belgilendi ve işğal etilgen Qırımğa ve qarşı tarafqa yapılğan qanunsız avia taşımalar boyunca bir sıra qararlar qabul etildi.

İş gruppasınıñ azaları ameliy tedbirlerni kerçekleştirüv ve Qırım MC üstünde qapatılğan ava boşluğunda ava yolları şirketleriniñ faaliyetlerine kompleks şekilde qarşılıq kösterüv üstünde çalışalar.