2018 senesi ilk yaz ayı (iyün) 8 künü Ukraina Prezidentiniñ Qırım MC Daimiy Temsilcisi Borıs Babin ‘‘Ukrainada çalışqan gumanitar teşkilâtlar arasında haberlernen paylaşuv’’ mevzusında Ukrainada Mustaqil Malta Ordenı Elçihanesi ile T. Şevçenko adına halqara munasebetler institutı tarafından teşkil etilgen konferentsiyanıñ iştirakçileri ögünde çıqışta bulundı. Öz çıqışında Borıs Babin Ukrainanı Rusiye istilâsından, bu cümleden, işğal etilgen Qırımdan devam etken tecavüzinden qorçalavı oğrunda AHIT, BMT, Avropa Şurası ve Avropa Birligi kibi teşkilâtlarnıñ havfsızlıq, uquq qorçalayıcı ve gumanitar yönelişlerine yüksek qıymet kesti. Qızıl Haç Halqara Komitetiniñ Aqmescitteki ofisiniñ faaliyeti boyunca bir sıra mesele muzakere etildi. Daimiy Temsilci ‘‘Qalançaq’’ ve ‘‘Çonğar’’ KÇNN-nı abadanlaştırıluvı, Herson vilâyetiniñ vaqtınca işğal etilgen Qırımğa yaqın olğan mesken yerlerinde Memuriy hızmet merkezleriniñ teşkil etilüvi içün halqara tehnikiy ve gumanitar yardım berilecegine ümüt etkenini bildirdi.