BM teşkilâtı tarafından 1977 senesi qabul etilgen qararğa köre, saban ayınıñ 8, Halqara qadın-qızlar künüdir.
Onıñ içün 2014 senesi saban ayınıñ 8-de ”Qırım qadınları barışıqqa qol tutalar” serlevalı bütünqırım aktsiyasında 15 biñden ziyade kişi iştirak etti. Qırımda yaşağan qadın-qızlar Ukrainanıñ birdemligine qol tuttı ve Rusiye ordusınıñ Qırımnı ve akimiyetni qanunsız alda zapt etmesine qarşı narazlıqlarını bildirdiler.
Aqmescit sakinleri ise cenkke ve işğalge qarşı keçirilgen mitingge çıqtılar ve Ukrainadaki tınçlıq ile birdemlikke qol tuttılar. Miting iştirakçileri şeer soqaqlarından keçip, Rusyeniñ arbiy tecavüzine qarşı narazlıqlarını ve Ukraina topraq bütünliginiñ saqlanıp qalmasına qol tutuvlarını numayış ettiler.
Aynı şu künü Çonğar köyü zapt etildi ve ukrain faalleri gruppasına qarşı ateş açılğan edi.