Ukraina Prezidentiniñ Qırım Muhtar Cumhuriyetindeki Temsilciligi Aqmescitli boksçı Oleksandr Usikni, RF vatandaşı Murat Gassiyev ile Ukraina bayrağı altındaki uruşta parlaq ve işançlı ğalebe ile hayırlay. Uruş Moskovada keçirilgenine baqmadan, akemlerniñ bir ağızdan qararı ile Qırımda yaşağan ukrain boksçı Umumcian boks super serisinde ve öz çekisi boyunca mıtlaq cian çempionı oldı. Eminmiz ki, Oleksandr Usikke vaqtınca işğal etilgen Qırımda yaşağan semetdeşleriniñ ekseriyeti qol tuttı, sevimli sportçumız ise olarnıñ yüzlerini qarartmadı. Ukraina Prezidenti Petro Poroşenko çempionnı yañı umvanı ile hayırlap, Moskovada bütün dünyağa yanğırağan Ukraina milliy gimni, küreşimizniñ ve yaqın ğalebemizniñ temsili olğanını qayd etti. Böyle şekilde devam etiñiz, Oleksandr! Kelecekte Sizge yañı ğalebeler tileymiz!