2018 senesi arman ayı (august) 20 künü Ukraina Prezidentiniñ Qırım MC Daimiy Temsilcisi Borıs Babin ve onıñ Birinci muavini İzet Gdanov Ukrainanıñ vaqtınca işğal etilgen Qırım toprağından memleket içinde mecburen köçken şahıslarnı ve Qırımnıñ sakinlerini arbiy qaydğa aluv boyunca iş muşaversini keçirdiler. Muşaverede Ukraina arbiy küçleri baş Komandanlığınıñ, Ukraina havsızlıq Hızmetiniñ, yerli arbiy komissariatlarnıñ, Ukraina içtimaiy siyaset Nazirliginiñ ve Ukraina devlet migratsıya Hızmetiniñ vekilleri iştirak etti.
Ukrainanıñ vaqtınca işğal etilgen Qırım toprağından memleket içinde mecburen köçken şahıslarnı ve Ukrainanıñ nezareti altında bulunğan topraqlarğa kelgen Qırım sakinlerini qaydğa aluvnıñ semereli közetüv mehanizmleri muzakere etildi. Muşavere esnasında Temsilcilikniñ reberiyeti işbu çesit Ukraina vatandaşlarınıñ semereli şekilde qaydğa alınuvı ile bağlı olğan manialarnı yoq etüv meselesini köterdi.
Muşavereniñ neticesi olaraq, askeriy yedekni quvetleştirmek ve askeriy qayd etüv organlarnıñ imkânlarını keñişletmek maqsadınen taraflar vekâletleri çerçivesinde nevbetteki adımlarını uyğunlaştırdılar, milliy havfsızlıqnıñ işbu saasında mütenasip vazifelerini belgilediler.