2018 senesi ilk yaz (iyün) 20 künü Ukraina Prezidentiniñ Qırım MC Daimiy Temsilcisi Borıs Babin Herson devlet universitetinde bir sıra regionlarnıñ aliy oquv yurtlarında çalışğan ‘‘Qırım-Ukraina’’ tasil merkezleriniñ reberleri ve ‘‘Almenda’’ cemaat maarif Merkeziniñ vekilleri ile 2018 senesi kiriş kampaniyasınıñ vaqtınca işğal etilgen Qırımda yaşağan Ukraina vatandaşları içün problemli meseleleri boyunca iş körüşüvini keçiridi.
Oturış devaminda ‘‘Almenda’’ cemaat teşkilâtı vekilleriniñ Qırımda maarif saasında vaziyet aqqında maruzası diñlendi, 2018 senesi kiriş kampaniyasına azırlıq ve abituriyentlerge ve olarnıñ qorantalarına haber etüv, Ukrainanıñ nezareti altında bulunğan topraqlarda olarğa keyfiyetli memuriy hızmetlerni berüv, kiriş kampaniyası devamında olarnı aliy oquv yurtlarınıñ yataqhanelerinde yerleştirüv kibi bu ceryan devamında yüz bergen pıtraqlı meseleler boyunca orta yekünler çekildi.
Zaporijjya, Odesa ve Herson vilâyetlerindeki universitet ve akademiyalarnıñ, V.İ. Vernadskiy adına Tavriya milliy universitetiniñ vekilleri 2018 senesi ayırılğan kvotalarğa binaen vaqtınca işğal etilgen Qırımda yaşağan vatandaşlarnıñ aliy oquv yurtlarda oquma aqlarınıñ yerine ketirüvinen bağlı muayyen meselelerni ve olarnı çezüv yollarnı muzakere ettiler. Muşavereniñ iştirakçileri bu sene kiriş kampaniyası devamında aliy oquv yurtlarnıñ ve icra akimiyet orgnalarnıñ faaliyetini ve özara munasebetlerni mükemmelleştirmek maqsadınen tevsiyeler azırladılar.
Daimiy Temsilci Borıs Babin Qırımda yaşağan Ukraina vatandaşlarnıñ tasil aqlarını yerine ketirüv saasında mevcut olğan pıtraqlı meselelerni umumiyleştirdi ve 2018 senesi qırımlılarnı aliy oquv yurtlarına celp etmek içün haber-reklama kampaniyasını mükemmelleştirmek kerek olğanını qayd etti. Basılğan, körgezmeli, audio ve video reklamanı yerleştirüvde ameliy ihtiyaçlar muzakere etildi, 2018 senesi mütenasip malzemelerni yaratuvda ve Ukraina Prezidentiniñ Qırım MC Temsilciligi ile beraberlikte yerleştirüvde ve tarqatuvda onlarnen aliy oquv yurtlarınıñ muvafaqiyetleri qayd etildi.
Körüşüvniñ neticesi olaraq, Temsilcilikniñ hadimleri Temsilcilik tarafından devlet seviyesinde keçirilgen tedbirlerni, Herson vilâyeti devlet memuriyetindeki Maarif, ilim ve gençlik Departamenti tarafından mütenasip regionda ‘‘Qırım-Ukraina’’ kampaniyasını haber ceetten temin etmek içün keçirilgen muşavere aqqında haber ettiler.