Qırımnıñ evelki alman-roman işğali şaraitlerinde 1941 senesi dekabrnıñ 10-12 künlerinde Ekinci cian cenkiniñ eñ vahşiy cinayetlerinden biri yüz berdi. İşğalci akimiyet Qırımnıñ tamır halqlarından olğan qırımçaqlarnıñ büyük qısımını toplap qurşunğa tizdi.

Bu genotsidniñ ve sovet akimiyetiniñ nevbetteki assimilyatsiya siyasetiniñ neticesinde, zemaneviy Ukrainada öz Vatanında, esasen vaqtınca işğal etilgen topraqlarda, 300-den az qırımçaq halqnıñ temsilcisi yaşamaqta. Qırımçaq halqınıñ milliy özgünligi, tili ve medeniyeti ğayıp oluv telükesi altında bulunmaqta. Olarnı qorçalamaq maqsadınen bütün mümkün olğan tedbirlerniñ alınması – Ukraina devletiniñ boyun-borcudır.