2018 senesi (fevral) kiçik aynıñ 27 künü Ukraina Prezidentiniñ Qırım MC Daimiy Temsilcisi Boris Babin ve Temsilcilikniñ halqara alâqalar hızmetiniñ hadimi Ukraina Yuqarı Şurasınıñ Ukrainanıñ vaqtınca işğal etilgen Qırım MC-de ve Aqyar şeerinde RF Prezident saylavlarına qanunsız azırlıq kösterilüvi munasebetinen Ukraina Yuqarı Şurasınıñ beyannamesini azırlağan Tışqı işler Komitetiniñ oturışında iştirak ettiler.

Komitetniñ azalarından ğayrı, oturışta Ukraina Tışqı işler nazirliginiñ, Qırım MC Savcılığınıñ, Vaqtınca işğal etilgen topraqlar ve memleket içinde köçip kelgenlerniñ meseleleri boyunca Nazirlikniñ vekilleri ve Ukraina halq deputatı M.Y. Burbaknıñ yardımcısı iştirak ettiler. Oturış devamında Ukraina halq deputatı M.Y. Burbak tarafından azırlanğan 7546 sanlı qanun leyhası ve oña iş gruppasınen Ukraina Tışqı işler nazirligi, Ukraina halq deputatı Refat Çubarov, Temsilcilik ve Savcılıq tarafından teklif etilgen deñişmeler talil etildi.

Toplaşuv devamında qanun leyhasına yapılğan teklifler ve tenqidiy fikirler yapıcı şekilde muzakere etildi. Körüşüvniñ neticesi olaraq, Ukraina Yuqarı Şurasınıñ nevbetteki umumiy oturışında muzakere etilecek qararnıñ metini azırlandı.