Saban ayınıñ 18-de saat 18:00-de Qırım evinde (Omelânovıç-Pavlenko soq., 9) Qırımda zorbalıqnen ğayıp oluvlarnıñ qurbanlarına bağışlanğan ”Hırsızlanğan ömürler” serlevalı munaqaşa keçirilecek.
Tebirde hırsızlanğan Qırım sakinleriniñ tuvğanları, davalarını alıp barğan abulqatlar, aq qorçalayıcılar, devlet memurları ve faaller iştirak etecek.

Spikerler:

Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi;
Yevgeniy Yaroşenko, Qırım_SOS teşkilâtınıñ talilcisi;
Andriy Yakovlev, İnsan aqları boyunca Ukraina-Helsinki birliginiñ abulqatı, ”Umbrella” AC ortağı;
Umer İbragimov, hırsızlanğan Ervin İbragimovnıñ babası (video bağ vastasınen);
Mıkola Polozov, abulqat (video bağ vastasınen);
Emil Qurbedinov, abulqat (video bağ vastasınen).

Yönetici:

Taras İbragimov, jurnalist.

Muzakere Qırım evi ve Qırım_SOS teşkilâtlarınıñ saifelerinde canlı şekilde yayınlanacaq.
Tedbir çerçivesinde Qırım evinde teşkil etilgen sergide ale daa ne de olüsi, ne de tirisi tapılğan 15 kişiniñ resimlerinen ikâyeleri numayış etilecek. Olar, işğalci akimiyetke qarşılıq köstergen ukrain ve qırımtatar faalleri, ya da faallerniñ aqrabalarıdır.

Sergi QırımSOS cemaat teşkilâtı tarafından «Find&Free» haber leyhası çerçivesinde teşkil etildi.

”15 hırsızlanğan ömür” sergisi saban ayınıñ 18-den 27-nece bazarertesi-cuma künleri saat 11:00-den 18:00-gece ve cumaertesi künü saat 11:00-den 16:00-ğace devam etecektir. Kirişi bedava.

Bağlantı:
https://fb.me/e/1WyUaU0Vg