2018 senesi boş ay (noyabr) 25 künü Temsilcilikteki halqara alâqalar hızmetiniñ reisi Yevgen Samuha ‘‘Qırımdaki insan aqlarına Almaniyadan bir baqış’’ mevzusında Kıyiv şeerinde keçirilgen konferentsiyada iştirak etti. Tedbirni ‘‘Qırım-SOS’’ cemaat teşkilâtı ve Almaniya federal çetel işler Nazirliginiñ sımarışı ile postsovet memleketlerde cemaat faalligine ve insan aq-uquqları saasında vaziyetniñ nezaret etilmesine qol tutqan alman «Solidarität mit der Bürgerbewegung in Russland e.V.» cemaat teşkilâtı teşkil ettiler.

Konferentsiyada Qırımnı ilhaq etmek ıntıluvı çetelde ve hususan Almaniyada nasıl aydınlatılğanı boyunca tedqiqat taqdim etildi. Bundan soñ tedbirde bulunğan Avropa parlamentinde Almaniyadan deputat Rebekka Garms, «Solidarität mit der Bürgerbewegung in Russland e.V.» alman cemaat teşkilâtınıñ müdiri Oleksiy Kozlov, ‘‘Qırım-SOS’’ cemaat teşkilâtınıñ idare başlığı Tamila Taşeva ve tedbir iştirakçileri vaqtınca işğal etilgen yarımadada insan aqlarına riayet etüv saasında daimiy şekilde kerginleşken vaziyetni, Ukraina ögünde turğan çağıruvlarnı ve çetelde haber siyasetini mükemmelleştirmek maqsadınen ukrainlılar (ve bu cümleden siyasetçiler, aq qorçalayıcılar ve jurnalistler) tarafından yapılacaq adımlarnı muzakere ettiler.