2018 senesi arman ayı (august) 22 künü Temsilcilikteki halqara alâqalar hızmetiniñ reberi Yevgen Samuha Qırımdaki ukrain teşkilâtlarınıñ birinci Qurultaylarınıñ 100 yıllığına bağışlanğan tedbirde iştirak etti. Yıldönüm Ukrainanıñ tarihinde muim yer alğan ve sabıq Merkeziy Şuranıñ Evinde yerleşken 1917-1920 seneleri Ukrain inqlâbı Müzeyinde keçti.

Tavriya qumanitar platformasınıñ yöneticisi Andriy İvanets ve ‘‘Derjzovnişinform’’ devlet şirketiniñ müdiri Bogdan Dubas keçirgen munaqaşa devamında XX asırnıñ başında Qırımdaki ukrainlerniñ öz-özüni idare etüvniñ tarihiy tecribesi ve siyasiy tertiplerniñ daimiy deñişüvi ile arbiy areketler şaraitlerinde Qırımda teşkil etilgen Krayova Ukrain Şurasınıñ faaliyeti muzakere etildi. Krayova Ukrain Şurasınıñ 1917-1920 seneleri Qırımdaki ukrainlerniñ aqlarını qorçalamaq ve olarnıñ faaliyetini yönetmek ıntıluvı da muzakere etildi. Bu vaziyet Qırımnıñ Rusiye tarafından zemaneviy işğal etilüvi ile teñeştirildi. Yevgen Samuha qayd etkenine köre, obyektiv bilgiler ve tarihiy keçmişke lâyıq qıymet kesüv olmadan aydın kelecekni, bü cümleden, işğalden azat etilüvden soñ Qırımdaki ukrain ve başqa milliy cemiyetleriniñ ayatlarını qurmağa qıyındır.