2018 senesi boş ay (noyabr) 26 künü Ukraina Prezidentiniñ Qırım MC Daimiy Temsilcisi Borıs Babinniñ yolbaşçılığında memleket içinde köçken şahıslarnı ve vaqtınca işğal etilgen Qırımda yaşağan Ukraina vatandaşlarnı Ukrainanıñ nezareti altında bulunğan topraqlarda mütenasip şekilde arbiy qaydğa alınuvı boyunca muşavere olıp keçti.

Muşaverede Ukraina içtimaiy siyaset Naziriniñ muavini Mıkola Şambir, Ukraina içtimaiy siyaset Nazirliginde fevqulâde vaziyetlerde zarar körgenlerni qorçalav boyunca İdareniñ reisi Lübov Çerska, Ukraina Silâlı quvetler Baş Komandanlığında arbiy qayd ve rezerv bölüginiñ müdiri Oleksandr Pravdıvets iştirak ettiler.

Muşavere esnasında memleket içinde köçken şahıslarnıñ ve vaqtınca işğal etilgen Qırımdan kelgen Ukraina vatandaşlarnıñ semereli şekilde qaydğa alınuvı içün arbiy komisariatlarnı qoşma malümatlarnen temin etüv mehanizmi ve Ukraina silâlı Quvetleri Baş ştabınıñ vekâletli bölükleri ile iş munasebetlerni quvetleştirüv muzakere etildi.

Muşavereniñ neticesi olaraq, taraflar kelecekte işbirlik şekili aqqında añlaştılar. Başqa meselelernen beraber, Qırımdan kelgen Ukraina vatandaşlarnı, memleket içinde köçken şahıslar olaraq qaydğa aluvdan ğayrı, arbiy qadğa da almaq kerekligi qayd etildi. Yaşağan yerleri Qırım olaraq qayd etilgen Ukraina vatandaşlarnı asılında bulunğan ve bu cümleden vaqtınca yaşağan yeriniñ er bir arbiy idaresinde qaydğa almağa mümkün.