2018 senesi berim ayı (sentâbr) 25 künü Ukraina Prezidentiniñ Qırım MC Daimiy Temsilcisi Borıs Babin AHİT Mahsus nezaret etici taqımınıñ uquqiy meseleler boyunca Muşaviri Kono bey Cardullo ve AHİT MNT Herson gruppasınıñ vekilleri ile körüşti.

Körüşüv esnasında vaqtınca işğal etilgen Qırım sakinleriniñ adliyege ve hususan vatandaşlıq vaziyetini resmiyleştirüv ceryanlarına irişimi ve vaqtınca işğal etilgen topraqlarda peyda olğan meseleler boyunca ukrain mahkemelerniñ vekâletleri muzakere etildi.

Borıs Babin bu saada kündelik qanun yaratıcılıq falliyetini tarif etti ve işbirlikniñ kelecekte mümkün olğan yollarını muzakere etti.

Kene berim ayı 25 künü Daimiy Temsilci ‘’10 aprel’’ cemaat teşkilâtınıñ vekilleri ile körüşüvi esnasında aynı meselelerni ve ‘‘Qırım-Ukraina’’ leyhası çerçivesinde tasil aqlarğa riayet etüvniñ hususiyetlerini muzakere etti.