2021 senesi çiçek ayınıñ 1, saat 13:00-den 14:30 qadar.
Teşkilâtçılar: Ukraina Prezidentiniñ Qırım Muhtar Cumhuriyetindeki Temsilciligi ile beraber İnsan aqları oğrunda media teşebbüsi ve İnsan aqları boyunca Ukraina-Helsinki birligi.
Tedbir iştirakçileri:
🔸Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi
🔹Emine Caparova, Ukraina çetel işler naziriniñ birinci muavini
🔸İgor Yaremenko, Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina naziriniñ muavini
🔹Refat Çubarov, Qırımtatar Milliy Meclisiniñ reisi
🔸Yuliya Kazdobina, Ukraina havfsızlıq studiyalar teşkilâtınıñ başlığı
🔹Olga Kurışko, ”QırımSOS” cemaat birliginiñ ortaq teşkilâtçısı
🔸Olga Skrıpnık, Qırım aq qorçalayıcı gruppasınıñ idare başlığı
🔹Yuliya Tışçenko, Tınçlıq ve havfsız ğayrıdan integratsiya etüv oğrundaki milliy platformanıñ ortaq teşkilâtçısı, Strategik tedqiqatlar milliy institutınıñ mesleatcışı
Yönetici: Mariya Tomak, İnsan aqları içün media teşebbüsiniñ yöneticisi.
Malüm olğanı kibi, 2021 senesi saban ayınıñ 11-de Ukraina milliy mudafaa ve havfsızlıq Şurası ”Qırım Strategiyasını”, yani Rusiye tarafından vaqtınca işğal etilgen Qırım yarımadasını işğalden azat etüv ve ğayrıdan integratsiya etüvge dair devlet siyasetiniñ ilk nevbetteki vazifelerini ve esas yönelişlerini belgilegen vesiqanı tasdıqladı. Bu çoq beklenilgen vesiqa bir sıra devlet akimiyeti organları, ilk nevbette, Ukraina milliy mudafaa ve havfsızlıq Şurası,Ukraina Prezidentiniñ Qırım Muhtar Cumhuriyetindeki Temsilciligi, Ukraina çetel işler Nazirligi, Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina Nazilrigi ve cemaat teşkilâtları tarafından azırlandı.
Qabul etilgen vesiqa cemiyet tarafından em alğışlandı, em teñqid etildi. Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazir Oleksiy Reznikovnıñ yarımadanı işğalden azat etüvge dair izaatları Rusiyede büyük rezonans doğurdı.
Bundan ğayrı, adet üzre, böyle vesiqalar qabul etilgen soñ, olarnı amelge keçirüv meselesi köterile. Strategiyanı kim ve ne vaqıt amelge keçirecek, areket planı nedir? Cemaat sektorı bu ceryanda nasıl vazife becerecek?
(Keniş manada) insaniy va halqara saalarğa urğu yapıp, bu meselelerni ve Strategiyanıñ qabul etilüvi aqqında cemiyetniñ fikirlerini akimiyet-cemiyet müitinde muzakere etmege isteymiz.