Qırımnıñ statusı boyunca Anayasağa kirsetilecek deñişmeler aqqında ‘‘ATR’’ televizion kanalınıñ muhbiri press-konferentsiyada bergen sualine cevap olaraq, Ukraina Prezidenti: “Bu kerçekten de pek aktual mesele. Men iş gruppanıñ tekliflerini daa körmedim. Olar Anayasa komissiyası tarafından baqılacaq. Körüşmemizden soñ men deral Anayasa komissiyasına iş gruppanıñ teklifleri boyunca cemaat muzakeresini keçirmege rica eterim. Final şekili azır olğanınen, men, sözümni yerine ketirip, Yuqarı Şura ögünde milliy muhtariyetnen bağlı anayasal deñişmeleri meselesini köteririm.”