2018 senesi saban ayınıñ (mart) 16 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikniñ halqara alâqalar ve uquqiy talil hızmetleriniñ baş mesleatçıları ‘‘Qırımsız dört yıl: işğalniñ neticeleri ve yarımadanı işgalden azat etmek imkâniyeti’’ mevzusında V.İ. Vernadskiy adına Tavriya milliy universitetinde keçirilgen tögerek masada iştirak ettiler.

Tedbirde Qırımtatar Milliy Meclisiniñ reisi ve azaları, Ukraina halq deputatları, Vaqtınca işğal etilgen territoriyalar ve memleket içinde köçip kelgenler meseleleri boyunca Nazirniñ Birinci muavini, V.İ. Vernadskiy adına Tavriya milliy universitetiniñ rektorı vazifesini vaqtınca becergen şahıs, Qırımtatar resurs merkeziniñ idare başlığı, Tele ve radio yayınlav meseleleri boyunca Milliy şurasınıñ vekilleri, Qırım tarihçileri, ocalar, uquq qorçalayıcı taqımlarınıñ ve cemaat teşkilâtlarınıñ temsilcileri iştirak etti. Tögerek masa çerçivesinde, işğal etilgen Qırımda tasil, ilim ve medemyetniñ vaziyeti, vaqtınca işğal etilgen topraqlardaki problemalar, bu cümleden, Qırımda Rusiye aliy oquv yurtlarınıñ şubeleriniñ açıluvı kibi bir sıra gumanitar ve tasil meseleleri muzakere etildi.

Borıs Babin yuqarıda qayd etilgen saalarda Temsilcilikniñ faaliyeti aqqında malümat berdi, mevcut olğan problemalarnı ve Qırımdan memleket içinde mecburen köçken şahıslar içün tasil hızmetleriniñ keyfiyetini yükseltmek ve oquv ceryanını teşkil etmek kerek olğanını qayd etti. Daimiy Temsilci saylanğan zenaatlar boyunca tasil keyfiyetini yükseltmek içün ayrı aliy oquv yurtlarını qıta Ukrainağa köçürmege tevsiye etti. Bundan da ğayrı, tögerek masa devamında grant şekilinde maliyeniñ celp etilmesi ve  köçürilgen aliy oquv yurtlarınıñ studentleriniñ tasil programmalarında iştiragi faal muzakere etildi.