2018 senesi saban ayınıñ (mart) 13 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ve Temsilcilikniñ halqara alâqalar hızmetiniñ vekili Qırımtatar Milliy Meclisiniñ Ukrainada çetel temsilciliklerniñ ve teşkilâtlarınıñ vekilleri ile er yılki körüşüvinde iştirak ettiler.

Körüşüvde Qırımtatar Milliy Meclisiniñ reisi ve azaları, Ukraina çetel işler Naziri, Ukraina Anayasa komissiyasınıñ vekilleri, Ukraina haber siyaseti Naziriniñ birinci muavini, Ukraina Yuqarı Şurasınıñ insan aq-uquqları boyunca vekâletli Vekili, Ukraina halq deputatları, Ukraina Prezidenti memuriyetiniñ vekilleri, Ukraina adliye Naziriniñ muavini, Qırım MC Savcısı, Vaqtınca işğal etilgen topraqlarlarnıñ ve memleket içinde mecburen köçken şahıslarnıñ meseleleri boyunca Nazirniñ muavini, Ukrainada Avropa Birligi Temsilciliginiñ başlığı, BMT İnsan aq-uquqları boyunca közetüv taqımınıñ başlığı, Ukrainada Kanadanıñ Müteşem ve Vekâletli Elçisi, Ukrainada AQŞ Müteşem ve Vekâletli Elçisi, Ukrainada Türkiye Cumhuriyetiniñ Müteşem ve Vekâletli Elçisi, Ukrainada İşveçiyanıñ Müteşem ve Vekâletli Elçisi, Ukrainada Avstraliyanıñ Müteşem ve Vekâletli Elçisi, Ukrainada Çehiya Cumhuriyetiniñ Müteşem ve Vekâletli Elçisi, Ukrainada Norvegiyanıñ Müteşem ve Vekâletli Elçisi, Ukrainada Yaponiyanıñ Müteşem ve Vekâletli Elçisi, elçihanelerniñ, merkeziy akimiyet organlarnıñ başqa vekilleri ve cemaat teşkilâtlarınıñ temsilcileri iştirak etti.

Körüşüv devamında anayasal aqlarğa riayet etüvni ve Qırım yarımadasında egemenlikniñ ğayrıdan tiklenüvini maqsat qoyğan insan aq-uquqlarınıñ ve serbestlikleriniñ qorçalavı saasında mustaqil halqara platformanıñ teşkil etilüvi muzakere etildi. Qırımtatar Milliy Meclisiniñ reisi Refat Çubarov Ukraina Anayasasınıñ X bölügine Ukraina terkibinde Qırımtatar halqınıñ milliy muhtariyetiniñ teşkil etilüvi boyunca yapılacaq deñişmelerni tarif etti. Mustafa Cemilev vaqtınca işğal etilgen Qırım topraqlarında kütleviy şekilde insan aq-uquqları ve serbestlikleri bozulğanını qayd etip, halqara cemiyetni istilâcığa qarşı sanktsiyalarnı quvetleştirmege ve birlikte yapılğan küreşte ğayretlerni birleştirmege çağırdı.

Körüşüvde bulunğanlar vaqtınca işğal etilgen Qırım toprağında egemenlikniñ ğayrıdan tiklenüvi, qırımtatar halqınıñ ve Qırımda yaşağan bütün vatandaşlarınıñ aq-uquqlarınıñ qorçalavı boyınca öz fikirlerinen paylaştılar.