2018 senesi çiçek ayı (aprel) 12 künü Ukraina Prezidentiniñ Qırım MC Temsilciligindeki halqara alâqalar ve uquqiy talil hızmetleriniñ baş mutehassısları belli alim, filolog, tarihçi, şarqşınas Omelân Pritsaknıñ hatırasına bağışlanıp Omelân Pritsak adına Şarqşınaslıq ilmiy-tedqiqat merkezinde keçirilgen ‘‘Qırımtatar halqınıñ siyasiy-uquqiy subyekligi: keçmişi ve bügüni’’ mevzusında lektsiyada iştirak ettiler.

Lektsiya şekilinde dersni Qırımtatar Milliy Meclisiniñ reisi, Bütündünya qırımtatar kongressiniñ Prezidenti, Ukraina halq deputatı, Kiyev-Mogilân akademiyasınıñ fahriy professorı Refat Çubarov keçirdi. Tedbirde akademiyanıñ ocaları ve studentleri, tarihçiler, jurnalistler ve cemaat faalcileri de iştirak ettiler.

Tedbir esnasında qırımtatar halqı subyekliginiñ tarihiy negizi talil etildi, zemaneviy adiselernen qıyas etildi ve olarğa tarihiy ve siyasiy qıymet kesildi. Ukrainanıñ tamır halqı olğan qırımtatar halqınıñ aqlarına riayet etüv ve onıñ qorçalavı boyunca qanuniyetniñ mükemmeleştirilüvi faal şekilde muzakere etildi.