2018 senesi saban ayınıñ (mart) 5 künü Ukraina Prezidentiniñ Qırım MC Temsilciliginiñ vekilleri Ukraina Tışqı işler nazirliginiñ yanındaki Gennadiy Udovenko adına Diplomatiya akademiyasında olıp keçken ‘‘RF Prezidentiniñ saylavları ve Ukrainanıñ tışqı siyasiy kün mevzusı’’ serlevalı panel muzakeresinde iştirak ettiler.

Tedbirde Ukraina Yuqarı Şurası tışqı işler Komitetiniñ başlığı Ganna Gopko, Razumkov merkeziniñ tışqı siyaset ve halqara havfsızlıq programmalarnıñ müdirdeşi Mıhaylo Paşkov, Diplomatik akademiyanıñ müdiri Sergiy Korsunskiy, Diplomatik akademiyasınıñ ve Ukraina Tışqı işer nazirliginiñ hadimleri, Strategik araştıruvlar boyunca milliy institutınıñ, cemaat teşkilâtlarnıñ ve uquq qorçalayıcı birliklerniñ vekilleri iştirak ettiler.

Tedbirniñ çerçivesinde RF-nda siyasiy tertip ve onıñ tışqı siyasiy yonelişi deñişüviniñ ihtimalı muzakere etildi. İşğalci akimiyet ‘‘saylavcılarnıñ kelmesini’’ sahteleştirmek istegeni ve kütleviy cezalav ve qorqutuv vastaları olaraq RF regionlarında içki çatışmalar şaraitlerinde qıynavlarda, hırsızlanuvlarda ve öldürüvlerde tecribeleri olğan RF cezalav organlarınıñ hadimlerini celp etip, vaqtınca işğal etilgen topraqlarnıñ ealisine qarşı repressiyalarını arttıra bilmesi qayd etildi. Vaqtınca işğal etilgen Qırımda saylav ceryanını boykot etmege ve qanunsız işğalci akimiyetniñ qurulmasına yardım etmemek içün, onıñ temsilcileri ile çalışmamağa çağırıldı.

Temsilcilikniñ fikirince, Qırımdaki feyk ‘‘saylavlar’’ qanunsız ve aqsız, demokratik ceryanından ve serbest irade beyanından pek uzaq olıp, propaganda aletine çevirildi ve RF topraqlarında saylavlarnı sahteleştirmeğe imkân yarata. Onıñ içün umumen alğanda RF prezidentiniñ saylav neticelerini halqara uquqnıñ şartlarınıñ qaba şekilde bozuluvı olaraq tanımağa mümkün. Qırımda açıq-aydın şekilde sahteleştirilgenleri içün saylavlarnıñ neticeleri şübe altına qoyıp, Ukraina ve dünyanıñ medeniyetli devletleri tarafından vaqtınca işğal etilgen topraqlarda ne de bu ‘‘saylav’’ adisesini, ne de onıñ neticelerini tanımamağa kerektir.