2018 senesi (fevral) kiçik aynıñ 27 künü Temsilcilikniñ Qırım MC işgalden azat etilüvi ve reintegratsiyası boyunca hızmetiniñ baş mesleatçısı Bahşiş Kerimov ‘‘Rıkove qasabasında Memuriy hızmet merkeziniñ teşkil etilüvi’’ boyunca Partizanı koy şurasınıñ binasında olıp keçken cemaat diñlevlerinde iştirak etti. Tedbir qasaba cemaatınıñ teşebbüsinen keçirildi.
Diñlevler çerçivesinde rayon ealisini ve ihtimal vaqtınca işğal etilgen Qırım sakinlerini keyfiyetli memuriy hızmetlernen temin etmek maqsadınen qasabada MHBM teşkil etilüviniñ kerekligi muzakere etildi. Tedbirde iştirak etken Temsilcilikniñ vekilleri vaqtınca işğal etilgen Qırımda yaşağan Ukraina vatandaşlarına yerleşüvi ceetten oñaytlı olacaq MHBM teşkil etilüvine qol tuttı.
Diñlevlerniñ neticesi olaraq, Rıkove cemaatı qasabalarında MHBM teşkil etilüvi aqqında qasaba şurasına muracaat etmek teklifine tolusınen qol tuttı. Sıñır çizgisine yaqın olğan rayonlarda vaqtınca işğal etilgen Qırımnıñ sakinlerine memuriy hızmet berilüvnen bağlı ceryanlar Temsilcilikniñ daimiy nezareti altında bulunmaqta.
