Öz mektübinde vicdan mabüsi BMT-nı Qırım yarımadasını vaqtınca işğal etken memleketke basqısını devam etmege çağırdı.

RF KK-nıñ 205⁵  maddesi boyunca

qanunsız alda maküm etilip

1 sanlı ”ФКУСІЗО”-da bulunğan

1985 senesi doğma

Zeytullayev Ruslan Borisoviçnıñ

Birleşken Milletler Teşkilâtına

Açıq muracaatı

3 yıl devamında asılında Rusiye Federatsıyasınıñ uquqiy saasında bulunğan Qırım yarımadasında RF adından qanunsız ve anayasağa qarşı olğan qararlar qabul etile, yani:

1. aşırıcılıq ve terrorizmnen kureş saasında,
2. tınç toplaşuvlarnıñ ötkerilüvinen bağlı memuriy qaideler saasında,
3. Qırımtatar halqı Meclisiniñ ”aşırıcı” teşkilât olaraq tanılması,
4. jurnalistlerniñ evlerinde tintüvler ve olarğa qarşı cinaiy işlerniñ açıluvı,
5. onlarnen ukrain vatandaşlarınıñ hırsızlanması ve Qırımdan Rusiyege keçirilmesi,
6. habersiz qayıp olğanlar, em de bütün bular Qırım yarımadasında yüz bergen qanunsuz areketleriniñ yalıñız bir qısımıdır.

Yuqarıda qayd etilgeniniñ sebebinden men, Zeytullayev R.B., Ukraina vatandaşı, qırımtatarı, musulman, nevbetteki kere ”müddetsiz açlıqnı” ilân etem, qanunsız alda Rostov şeeriniñ 1 sanlı ”SİZO”-sında bulunıp, aş aşamaqtan vazgeçem.

Öz muracaatımda qanunsız alda maküm etilgen bütün Ukraina vatandaşlarınıñ azat etilmesine ve qırımtatar halqınıñ aq-uquqlarınıñ riayet etilmesine qadar, Sizni Rusiye Federatsiyasınıñ ükümetine ertaraflama basqını devam etmege çağıram.

Zeytullayev R.B.,  27.07.2017