2018 senesi ilk yaz ayı (iyün) 2 künü Ukraina Prezidentiniñ Qırım MC Temsilciliginiñ hadimleri Kremlniñ mabusı Oleg Sentsovğa qol tutmaq mqsadınen Kıyiv ve Herson şeerinde keçirilgen tedbirlerge celp etildi. Tedbirlerde Qırımda ve RF-da maküm etilgen Ukraina vatandaşlarınıñ aqrabaları ve dostları, cemaat teşkilâtları ve lâqayd olmağan vatanperverler iştirak etti.

Kıyiv şeeriniñ Mustaqillik Meydanında ukrain siyasiy mabuslağa qol tutmaq içün ‘‘Putinniñ rejimine qırmızı kartnı köstereyik’’ şiarları ile miting keçirildi. Cemaat faalcileri Rusiyede ve işğal etilgen Qırımda apishanelerde bulunğan siyasiy mabuslarnıñ adlarını birer birer oqudılar. Olarnıñ arasında sanatçılar, qırımtatarlar, jurnalistler, uquq qorçaşayıcılar ve studentler bar edi.

Lâqayd olmağan insanlar bütün dünyada Oleg Sentsovğa qol tutıp, ‘‘SaveOlegSentsov’’ umumcian aktsiyanı başladılar.

Herson şeerindeki Azatlıq meydanında ‘‘SaveOlegSentsov’’ aktsiyanıñ iştirakçileri rusiye reberiyeti ve cezalav organları Ukraina vatandaşlarına qarşı yapqan areketleri aqqında neler tüşüngenini aytıp oldı, yalıñız Oleg Sentsovnı degil de, bütün esassız qapatılğan esirlerni azat etmek çağıruvlar yapıldı.

Qırım MC işğalden azat etüv ve ğayrıdan integratsıyası boyunca hızmetiniñ baş mesleatçısı Tetâna Pokidko Qırımda Ukraina vatandaşlarına, qanunsız alda esir etilgenlerge nisbetten qaba davranışnı takbih etip, rusiye avtokratik rejiminiñ mabuslarını azat etüv, olarğa qol tutuv, olarnıñ qorantalarına Ukrainanıñ nezareti altında bulunğan topraqlarda yardım kibi Temsilcilikniñ kündelik faaliyetini tarif etti Temsilcilik bütün medeniy dünya ile birlikte Oleg Sentovsnı ve bütün esir etilgen Ukraina vatandaşlarını deryal azat etmege çağıra ve öz nevbette siyasiy mabuslarnıñ ailelerine yardım etmege, Kremlniñ reineleriniñ azat etilüvine qol tutmağa devam etecektir.

Aynı vaqıtta reinelerge basqı vastasınen rusiye akimiyetiniñ Ukrainanı Qırım meselesinde şantaj etmek ıntıluvı öz maqsadına irişmedi: Qırım ukrain malları ve Şimaliy-Qırım kanalınıñ suvları ile temin etilmey, ukrain arbiy uquq qorçalayıcılar terroristlerge, işğalcilerniñ ortaqlarına ve diversantlarğa qarşılıq köstere, küreş başqa saalarda da devam ete.