Къырым  Мухтар  Джумхуриетинде  Украина  Президентининъ  Векялетханеси , 2017 сенеси мартнынъ 16 Авропа Парламентинен тасдикъ-лангъан, Русиеде украин мабюслери ве Къырымдаки вазиет боюнджа резолюция метинининъ терджимесини дердж этмекте.

Авропа Бирлигининъ къанун чыкъарыджы органынен къабул этильген весикъа, Украинанынъ халкъара танылгъан сынъырларында топракъ бирлигине, мустакъиллигине ачыкъ ве изчен къол туткъаныны тасдикълай, эм де Русие Федерациясына, онынъ Къырым Мухтар Джумхуриети ве Акъяр шеэрининъ ишгъаль этип къошмасына ынтылувы АБ ве онынъ девлет-азаларынен ич бир вакъыт танылмайджа – гъына ачыкъ-айдын хабер эте.

Украинанынъ айырылмаз къысымынынъ запт этип къошмасына ынтылгъан ве ишгъаль эткен девлетке къаршы кирсетильген санкциялар тек Къырым ярымадасында Украинанынъ топракъ бирлиги ве мустакъиллиги гъайрыдан тикленюви шартында алынмасы мумкюн олгъаныны бильдириле.

Бундан гъайры, резолюцияда, русие ишгъаль акимиети тарафындан Къырымда инсанларнынъ укъукълары бозулгъаныны , оларгъа къаршы буюк джинаетлер япылгъаныны объектив ве комплекс шекилинде исбатлагъан делиллер кетириле, эм вакътынджа ишгъаль этильген Къырым Мухтар Джумхуриети ве Акъяр шеэри территорияларында инсанларнынъ укъукълары къаба алда бозулыву ичюн месуль олгъан шахысларгъа къаршы шахсий санкцияларнынъ кенишлетильмесине чагъырыла..

Весикъада Авропа Парламенти ,къачынджы сефер, Русиеден  вакътынджа ишгъаль этильген Къырым ве РФ территорияларында къанун-сыз якъалангъан эписи Украина ватандашларыны деръал азат этильмесини, келеджекте Украина ватандашларынынъ такъип этилюви токътатылмасыны ве халкъара укъугъына , Украина мустакъиллик ве топракъ бирлигине урьметининъ тикленильмесини талап эте.