2024 senesi 20 iyün ile 20 iyül arasında qırımtatar Vikipediyası içün maqaleler yazılması marafonuna qoşulmağa davet etemiz.

Marafonnıñ maqsadı – hususan işğal şaraitinde qırımtatar tiliniñ saqlanılmasıniñ müimligini qayd etmek. Qırımtatar tili – bu, tek qonuşuv vastası degil, bu medeniy miras, özgünlik ve tarihnıñ ayrılmaz parçasıdır. Tilniñ saqlanılması ve inkişaf etmesi qırımtatar halqınıñ medeniy zenginligi ve özgünliginiñ destegi içün pek müimdir.

Marafonda iştirak etüv – tuvğan tilimizniñ kelecek nesiller içün saqlanılması ve inkişaf etmesine isse qoşmaq içün bir imkân.

Marafonda, qırımtatar tilini bilgen ve istegi olğan er kes iştirak etip ola. Em acemiyler, em de tecribeli muarrirler qoşula bile. Beraber yañı maqaleler yaratıp, olğan maqalelerge ilâveler yapıp, qırımtatar Vikipediyasınıñ inkişafına öz issemizni qoşmalımız.

Marafonnıñ saifesi: https://cutt.ly/Zep0x2Md

İştirakçilerge qol tutmaq içün vebinar ötkerilmesi planlaştırıla. Vebinar vaqtında teşkilâtçılar doğru maqale yazılmasınıñ tehnikaları aqqında tevsiyeler berecek. Vebinar iyünniñ 26-nda, saat 19.00-da keçecek.

Bundan da ğayrı, er kesniñ körüşmesi, tanışması ve tecribe paylaşması içün oflayn tedbir keçirilecek. Bu tedbirlerniñ künleri ve tafsilâtlı malümat qayd etilecek iştirakçilerge ayrı olaraq bildirilecek.

İştirakçilerniñ qayd etilmesi mecburiy, bu şekilde vebinarlar, oflayn tedbirler ve başqa müim malümat daa tez tarqatılacaqtır: https://cutt.ly/rep0cg6F

Marafonğa qoşulıñız ve qırımtatar tilini saqlamağa yardım etiñiz! Keliñiz beraber, bütün internet qullanıcıları içün zengin ve faydalı münderice yaratayıq.

Bütün haberlerni ve yañı malümatnı “Vikimedia Ukrayina” teşkilâtınıñ saifelerinde taqip etiñiz.