Daimiy Temsilciniñ Birinci muavini İzet Gdanov, Qırımtatar halqınıñ meseleleri boyunca Ukrayna Prezidentiniñ yardımcısı, Qırımtatar Milliy Meclis reisi, QMC-niñ ve Aqyar şeeriniñ silâlı hızmetlerniñ reisleri ile beraberlikte Kiev şeerinde keçirilgen keñeşte iştirak etti. Keñeş iştirakçileri işğal olunğan Qırımda insan aq-uquqlarınıñ bozuluvı aqqında malümat toplanmasına yanaşuv ve usullarını muzakere ettiler.

Birinci muavin Temsilcilikniñ vazifeleri  çerçivesinde alıp barılğan faaliyeti, Ukrainanıñ vaqtınca işğal olunğan Qırım toprağında yaşağan vatandaşlarınıñ aq-uquqlarını qorçalavında analitik ve idariy hızmeti, işğalci akimiyetniñ cezalav organları tarafından Ukraina vatandaşlarınıñ qanunsız şekilde maküm ve işkence etilmesine qarşılıq kösterüvde işbirligi aqqında malümat berdi.

İşğalci akimiyet tarafından taqip etilgen vatandaşlarnen semereli çalışmaq içün Ukraina Milliy politsiyasınıñ Qırım ve Aqyar boyunca baş idaresi vaqtınca işğal olunğan topraqlarğa yaqınca avuşması kerek olğanı ayrıca qayd etildi. Keñeş iştirakcilerine bu meseleniñ Milliy politsiya ve salâhiyetli akimiyet temsilcileri arasında muzakere etilgeni ve Baş idareniñ bölükleriniñ Herson şeerine avuşmasına Temsilcilik yardım köstergeni bildirildi.