2018 senesi ekim (oktâbr) ayı 12 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ve Temsilcilikteki halqara alâqalar hızmetiniñ baş mesleatçısı Valeriya Pahomova Rusiye tarafından qanunsız şekilde maküm etilgen Ukraina vatandaşlarını azat etüv boyunca cemaat platformasınıñ Ukraina Çetel işler Nazirliginde çetel işler Naziri Pavlo Klimkinniñ yolbaşçılığında keçirilgen toplaşuvında iştirak etti.

Toplaşuvda Parlament Başlığınıñ Birinci muavini İrına Geraşçenko, Qırımtatar Milliy Meclisiniñ reis muavini Ahtem Çiygoz, mütenasip nazirliklerniñ ve devlet idareleriniñ memurları, çetel işler Naziriniñ siyasiy mabuslarnı azat etüv meseleleri boyunca mahsus vekili Yuriy Yatsenko, cemaat teşkilâtlarınıñ temslicileri ve uquq qorçalayıcılar iştirak etti.

Toplaşuv esnasında Kremlniñ ukrainalı siyasiy mabuslarınıñ qorantalarına bir kerelik içtimaiy tölevleriniñ berilüvini tezleştirmek maqsadınen yapılacaq umumiy areketler, işbu tölevlerni qorantalar tahminen boş (noyabr) ayında alacaqlar.

Ukraina Nazirler Şurasınıñ 1058 sanlı Qararına Rusiyede maküm etilgen ya da taqip etilgen ukrainalılarğa tıbbiy ve içtimaiy yardımnı berüv aqqı boyunca ilâveler meselesi muzakere etildi.

Tıbbiy teşkerüvni yapmaq maqsadınen Kremlniñ siyasiy mabuslarına ekimlerniñ irişimini temin etüv mehanizmi qonuşıldı.

Ayrıca qanuniy seviyede siyasiy mabuslarnıñ statuslarını belgilev, mütenasip qanunnı qabul etüv ve Ukraina Prezidenti yanında siyasiy mabuslar meseleleri boyunca Yönetici şuranı teşkil etüv meselesi köterildi.

İzet Gdanov Qırımdan siyasiy mabuslarnıñ qorantaları içün pasport vesiqalarnı resmiyleştirüvde yardım kibi Temsilcilikniñ kündelik faaliyetini tarif etti, muayyen statistik malümatlarnen paylaştı. Ukraina Prezidentiniñ Qırım MC Daimiy Temsilcisiniñ Birinci muavini vaqtınca işğal etilgen topraqlar ve devlet içinde köçken şahıslar meseleleri boyunca Ukraina Nazirliginiñ toplaşuvda bulunğan vekiline resmiy şekilde Ukraina Baş Naziri muavini – Ukraina regional inkişaf, qurucılıq ve mesken-kommunal hocalıq Naziri Gennadiy Grıgorovıç Zubkonıñ Ukrainanıñ vaqtınca işğal etilgen topraqlarında, vaqtınca işğal etilgen Donetsk ve Lugansk vilâyetlerinde qanunsız silâlı teşkilâtlar, işğalci akimiyet ve/ ya da RF akimiyet organları tarafından şahsiy azatlıqtan marum etilgen şahıslarğa ve olarnıñ qoranta azalarına yardım berüv meseleleri boyunca Komissiyanıñ ve RF-nıñ silâlı istilâsına qarşılıq kösterüv boyunca devletimizniñ uquqiy mevamını umumiyleştirüv meseleleri boyunca idareler arası Komissiyanıñ terkibine Temsilcilikniñ reberiyetini kirsetmek avalesini yerine ketirmege resmiy şekilde talap etti.

Toplaşuvnıñ iştirakçileri kelecekte işbirlikniñ şekili aqqında añlaştılar.