«Украина ватандашларнынъ Украинадан тыш чыкъув ве Украинагъа кирюв тертиби» Украина Юкъары Шурасынен къабул этильген къанунынынъ 4 болюгининъ янъы редакциясы нешир олунды ве анда сынъырдан тыш чыкъув Укрвина гражданлыкъ паспортынынъ къулланма муддетини узатмагъа имкяниети олгъан къайдеси акъкъында сёз юрсетильмегендир.

Вакътынджа ишгъаль этильген Къырым Мухтар Джумхуриети ве Акъяр шеэри  территориясында яшагъан сакинлернинъ дикъкъатыны джельп этерек, сынъырдан тыш чыкъув Украина гражданлыкъ паспортынынъ къулланма муддети чыкъкъан олса, 2016 сенесининъ октябрь  1-ден бвшлап, яны поспортыны ресмийлештирмек ичюн васикъаларны теслим этмеге керек  олгъаныны бильдиремиз.

Эгер весикъанынъ къулланиа муддети чыкъкъан олса, сынъырдан  тыш чыкъув Украина гражданлыкъ паспортынынъ янъысыны алмакъ ичюн векътынджа ишгъаль этильген Къырым Мухтар Джумхуриети ве Акъяр шеэри территориясында яшагъан сакинлер Украина Девлет миграцион мемурджилыгъынынъ бир де бир ерли болюгине мураджаатта булунып, теслим этмелилер:
– ариза-анкетасыны;
– къулланма муддети биткен сынъырдан тыш чыкъув паспортыны;
– къанун боюнджа бельгиленген параны  ( консул алымы) тёлеп, оны тасдикълагъан весикъасыны, я да, эгер шахыс бойле тёлемеден ( консул алымы ) азат этильген олса, оны бильдирген весикъанынъ оригинал ве копиясыны.

Украина миграцион мемурджилыгъынынъ саасына кирген суаллери боюнджа Къырым сакинлери Украина ДМС (044)278-50-30 я да Херсон вилеетиндеки Украина ДМС (0552)35-40-56 номералы ёлагъына телефон ачып, тафсилятлыджа малюматларны билип олмолылар.