2018 senesi saban ayınıñ (mart) 16 künü Ukraina Prezidentiniñ Qırım MC Daimiy Temsilcisi Borıs Babin Grajdanlıq serbestlikleri merkezinde keçirilgen temel halqlarınıñ aq-uquqları ve sahsiy havfsızlıqları boyunca treningte iştirak etti. Tedbirde Grajdanlıq serbestlikleri merkeziniñ, uquq qorçalayıcı taqımlarnıñ, cemaat teşkilatlarınıñ vekilleri, gönülliler, studentler, Qırımdan memleket içinde mecburen köçken şahıslar iştirak etti.

Trening devamında Borıs Babin tamır halqlarınıñ uquqlarınıñ peyda oluvı, inkişaf etüvi, pekitilüvi ve halqara seviyede qorçalavı boyunca munaqaşanı alıp bardı. Trening çerçivesinde uquq qorçalayıcılarğa temel halqlarınıñ qorçalavı ile oğraşqan halqara müessiseler, faaliyetilerniñ yönelişi ve temel halqlarnıñ aq-uquqlarınıñ qorçalavı boyunca halqara vesiqalar aqqında malümat berildi, Qırımnıñ işğali şaraitlerinde temel halqlarnıñ qorçalavı meselesi muzakere etildi.