Dekabr 15 künü Daimiy Temsilci Kyiv şeerinde Ukrainada Halqara Qızıl Haç Komiteti eyetiniñ reberiyeti Alan Eşlimann ve Stefan Beytrison ile iş körüşüvini keçirdi. Körüşüv devamında HQHK tarafından devlet içinde köçken sahıslarğa, ya da vaqtınca işğal olunğan topraqlarda yaşap, öz gumanitar meselelerini çezmek ve vatandaş aqlarını yerine ketirmek içün KÇNN-den keçmege mecbur olğan vatandaşlarğa yardım kösterüv meselesi muzakere etildi.

Taraflar, bücetten maaliye ayırılmağanı alda KÇNN-da gumanitar meselelerni çezmek içün ilk nevbette yapılacaq tedbirlerni muzakere ettiler. Bundan da ğayrı, Qırım sakinlerine kelecekte yardım kösterüv maqsadınen, Daimiy Temsilcisi Ukraina sağlıq saqlav naziri ve Saqat adamlarnıñ aqları boyunca devlet vekili ile körüşti. Daimiy Temsilcisi, Büyük Britaniya, Kanada, Norvegiya, İsveçiya diplomatik missiyalarınen ve Ukrainada AHİT leyhalarnıñ koordinator temsilcisinen de körşüvler keçirdi.