2018 senesi boş ay (noyabr) 16 künü Ukraina Prezidentiniñ Qırım MC Daimiy Temsilcisi Borıs Babin Novotroyitske qasabasında Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele tedbirler Planını yerine ketirüv olaraq, Ukrainanıñ vaqtınca işğal etilgen Qırım toprağınıñ aktual meselelerini çezüv boyunca iş gruppasınıñ nevbetteki oturışını keçirdi.

Oturış esnasında aşağıdaki meseleler muzakere etildi:

• KÇNN-ni gumanitar ihtiyaçlar ceetten minimal seviyede abadanlaştıruv, bu cümleden, ‘‘Qalançaq’’ KÇNN – Qalançaq, ‘‘Qalançaq’’ – Vadım-Çaplınka, ‘‘Çaplınka’’ KÇNN – Çaplınka, ‘‘Çonğar’’ KÇNN – Novooleksiyivka yönelişlerinde yol töşemesini ve işaretlemelerni tüzetüv, cemaat naqliyat vastalarınıñ duraq yerlerini, piyade yolaqlarını ve avtomobil yollarını abadanlaştıruv, aydınlatuv, qoralav, qanuniy yolcu naqliyatını teşkil etüv;
• Ukrainanıñ vaqtınca işğal olunğan Qırım toprağından idare etilgen ve vaqtınca işğal olunğan Qırım civarlarındaki topraqlarğa tesir ete bilgen teşkilâtlarnıñ hocalıq faaliyetlerine qarşılıq kösterüv;
• Ukrainanıñ vaqtınca işğal etilgen Qırım toprağındaki himik istisal şirketlerini tabiy malzemelerinen temin etüvge uquqiy ceetten qıymet kesüv, işbu faaliyetniñ neticesi ve menfiy ekologik tesiriniñ ögüni aluv ;
• Ukraina Devlet sıñır hızmetine vazifesini becerüvde qol tutuv olaraq devlet akimiyeti ve yerli öz-özüni idare etüv organlarınıñ işbirligi ve başqa meseleler.