2018 senesi berim ayı (sentâbr) 25 künü Ukraina Prezidentiniñ Qırım MC Daimiy Temsilcisi Borıs Babin Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele tedbirler Planını amelge keçirüv çerçivesinde Çaplınka qasabasında Ukrainanıñ vaqtınca işğal etilgen Qırım toprağınıñ aktual meselelerini çezüv boyunca iş gruppasınıñ nevbetteki toplaşuvını keçirdi.

Oturış esnasında Herson vilâyetiniñ Qırım yarımadası ile qomşu topraqlarında Ukraina devlet sıñır hızmetiniñ bölüklerini yerleştirüvge akimiyet organları tarafından qol tutuv, Herson vilâyetiniñ sakinlerine ve hocalığına vaqtınca işğal etilgen Qırımdaki himiya sanayısı şirketleriniñ faaliyeti neticesinde ketirilgen zararlarnı mütenasip ve semereli şekilde belgilev, qayd etüv ve olarğa protsesual ceetten lâyıq qıymet kesüv, Novotroyitske ve Çaplınka qasabalarında Memuriy hızmet merkezlerini abadanlaştıruv ceryanınıñ vaziyeti, Qırımdan qanunsız yolcı naqliyatına qarşılıq kösterüv, Qırım ile sıñırda yerleşken suv havuzlarındaki suvnı qanunsız şekilde işletüv ve Qırımdan rusiye istilâsına qarşılıq kösterüvnen bağlı başqa meseleler muzakere etildi.