Temsilcilikte, 2021 senesi vaqtınca işğal etilgen Qırımdan çıqqan çiftnen körüşüv olıp keçti.

Temsilcilik vatandaşlarnı er bir basamaqta destekley. Hususan, aqay-apaynıñ mında kelmesinden soñ Temsilcilik olarğa miras davasında qol tuttı, em de ukrayin qanunlarına köre pensiya tölevleriniñ yañıdan tiklenmesine yardım etti.

Bundan da ğayrı, körüşüv vaqtında çift al-azırda yarımadadaki vaziyet, Qırım sakinleriniñ işğal şaraitlerinde rastkelgen içtimaiy meseleler, hususan işğalcilerniñ informatsion alanı nezareti aqqında malümat paylaştılar. Aynı zamanda çift Qırımda yarımadanıñ işğalden qurtarıluvını beklegen çoq insan qalğanını qayd etti.

Böyle körüşüvler Qırımdaki Ukrayina vatandaşlarınıñ aktual ihtiyaclarını daa yahşı añlamağa yardım ete.