Vaşington şeerinde keçirilgen Ukraiyna aftası çerçivesinde ötkerilgen tedbirler devamında vaqtınca işğal etilgen Qırım aqqında materiallar taqdim etildi. “Crimea. Over a Decade under the Russian Occupation” adlı sergide 2014 senesinden başlap yarımadanıñ rus işğali aqibetleri diqqatqa alındı, çünki olarnı Rusiye halqara cemiyetten gizlemege tırışa.

Hususan, insan aqlarınıñ sistemalı bozulmaları, diniy sebeplerden taqipler, işğal etilgen Qırım sakinlerine qarşı repressiyalar, cinaiy işlerniñ uydurılması ve siyasiy taqipler aqqında söz yürsetildi. Ayrı bir blok ukrayin balalarını zorlap köçürüv ve sürgün etüv meselesine bağışlandı.

Bundan da ğayrı, materiallarda Qırımnıñ rus işğaline qarşı ukrayin vatandaşlarınıñ qarşılıq kösterüv areketleri aqqında da malümat bar edi. Ayrıca medeniy mirasnıñ yoq etilmesine, hususan, işğalci idaresi tarafından yapılğan sözde «rekonstruktsiya» çalışmaları sebebinden Bağçasaray Han Sarayı içün peyda olğan telükelerge ayrıca diqqat ayırıldı.

Ukrayina aftası – bu Ukrayina ve AQŞ arasında dialog, advokatsiya ve işbirlik içün 2022 senesi yaratılğan bir platformadır. Tedbirler AQŞ-daki Ukrayina elçiliginiñ desteginen Amerika-Ukrayin hristian alyansı tarafından teşkil etildi.