2019 senesi çiçek (aprel) ayı 24 künü Mıstetskiy arsenalda Temsilcilikniñ Kıyivteki ofisiniñ hadimleri Qırımtatar halqı meseleleri boyunca Ukraina Prezidentiniñ Vekâletlisi, Ukraina halq deputatı Mustafa Cemilev ile ”Ukrain cemiyeti ve Qırım – kelecekke baqış” mevzusında halq ögünde munaqaşada iştirak ettiler.

O, yarımadanı arbiyleştirgen ve qırımtatar ealisini taqip etken Rusiye işğalcileriniñ areketlerini, Qırım meselelerinde Ukrainağa çetel devletler ve halqara teşkilâtlar bergen yardım ve qol tutuvnıñ semereligini talil etti. Ayrıca Qırımnı işğalden azat etüv oğrunda küreşiniñ nevbetteki maqsatlarını aydınlattı ve yaramadanıñ azat etilmesi içün Ukraina demokratik küreş yolunı seçkenini qayd etti. Mustafa Cemilev Qırımnıñ azat etilüvinden soñ yarımadanı evelki alğa ketirmek içün pek çoq küç ve maliye sarf etmege kerek olacağını qayd etti.

Bundan da ğayrı, tedbir esnasında ”Qırım.Aqiqat” haber leyhasınıñ 5-yıllıq faaliyetiniñ neticeleri taqdim etildi. İştirakçilerden biri, ”Antıtila” taqımınıñ lideri Taras Topolâ Rusiye tarafından pek tesirli propaganda darqatılğanını, onıñ içün, diplomatik yollardan ğayrı, medeniy-haber yönelişini semereli şekilde işletmege kerek olğanını qayd etti.