2018 senesi çiçek ayı (aprel) 29 künü Ukraina Prezidentiniñ Qırım MC Daimiy Temsilcisi Borıs Babin Ukraina Arbiy Deñiz Quvetleri bayrağınıñ Qaradeniz flotunıñ gemileri ve Aqyar qalesi üstünde köterilgeniniñ 100 yıllığına bağışlanğan tedbirde iştirak etti. ADQ Komandanı ve gemilerni taqımları iştiragı ile tantanalı merasim Ukraina ADQ Odessadaki bazasında keçirildi, Amerika Qoşma Ştatlarından ukrain dernegi tedbirge Ukraina Halq Cumhurietiniñ ADQ bayrağını ketirdi. Ukraina Silâlı Quvetleri ADQ Komandanlığı ve Temsilcilikniñ teşşebüsi ile ADQ bayrağı yalıñız arbiy bölüklerde degil, Ukraina SQ ADQ işğal etilgen Qırımdan rusiye istilâsına qarşılıq kösterip hızmet etken şeerlerde ve qasabalarda da köterildi. Vaqtınca işğal etilgen Qırımnıñ sıñırına yaqın olğan mesken yerlerde bu tantanalı tedbirniñ qayd etilüvine qol tutqan arbiy komissarlıqlarnıñ, rayon devlet memuriyetleriniñ, öz-özüni idare etüv organlarnıñ vekillerine ve gönüllilerge Temsilcilik öz teşekkürini bildire.