2018 senesi çiçek ayı (aprel) 10 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ve Temsilcilikte halqara alâqalar ve uquqiy talil hızmetleriniñ baş mesleatçıları iş muşaveresi şekilinde Ukraina balıq hocalığı devlet agentliginiñ Başlığı ve onıñ muavini ile körüştiler.

Körüşüv esnasında Azaq deñiziniñ Qırım civarındaki suvlarında ve Sivaş boğazında biologik resurslarğa av, işğal etilgen Qırım balıq limanlarınıñ ğayrıdan qayd etilüvi, Azaq ve Qara deñizleriniñ suvlarında balıq avlağan gemilerniñ, RF istilâsından evel Aqyar (Sevastopol) limanında qayd etilgen Ukraina bayrağı altındaki okeanik balıqçı gemilerniñ hocalıq faaliyetleriniñ hususiyetleri muzakere etildi.

Azaq deñizinde yaqalanıp qanunsız şekilde RF bayrağını qullanğan ve vaqtınca işğal etilgen Qırımdan kelip balıq avlağan ‘‘Nord’’ balıqçı gemisine ayrıca diqqat etildi.

Körüşüvniñ neticesi olaraq, taraflar vekâletleri çerçivesinde vazifelerni yerine ketirmek maqsadınen kelecekte işbirlik aqqında añlaştılar.