2018 senesi yanvar 22 künü Ukraina Prezidentiniñ Qırım MC Temsilciligi XX asırnıñ başında ukrain devletiniñ tiklenüvinde al etici rol oynağan Ukraina Birdemlik Kününiñ qayd etilüvinde iştirak etti. Bu munasebet ile, adet üzre hatıra yerlerge çiçekler qoyuldı ve Ukraina içün dualar oquldı.

1919 senesinde bu künde Kıyivniñ Sofiya meydanında ukrainalılar asırlar devamında bir-birinden ayrı olğan yekâne Ukrainanıñ parçalarınıñ birleşüvini ilân ettiler. 1918 senesi dekabr 1 künü Fastiv şeerinde Ukraina Halq Cumhuriyeti ve Garbiy Ukraina Halq Cumhuriyeti arasında birleşüv aqqında evelki añlaşma imzalanğan edi.

Tarihiy tecribesini ve keçmişniñ derslerini menimsep, ukrain halqı küçlü, demokratik, mustaqil ve bağımsız avropalı Ukraina devletini qurmağa devam eter ve territorial bütünligini ğayrıdan tikler.

Qırım mıtlaqa işğalcilerden azat etilir!