2018 senesi ilk yaz ayı (iyün) 13 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov, Ukraina Çetel işler nazirligindeki Cemaat şurasınıñ oturışında iştirak etti. Oturış devamında istilâci devlet Qırımda, Azaq ve Qara deñizlerinde yapqan provokativ areketlerge qarşılıq kösterüv, Qırımda deñiz ve ava yollarınen qanunsız taşımalarğa qarşılıq kösterüv, rusiye istilâsına qarşılıq kösterüv ve Qırımnı işğalden azat etüv ceryanlarnı mütenasip seviyede planlaştıruv kibi meseleler muzakere etildi.

Cemaat şurası Qırım meselelerinen oğraşqan devlet idareleriniñ mütenasip faaliyetini yönetüv boyunca Temsilcilikniñ areketlerine, Temsilcilik çerçivesinde yüksek seviyede İş gruppasınıñ, avacılıq ve ticariy deñizcilik boyunca gruppalarnıñ teşkil etilüvine qol tuttı, Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele areket Planına yüksek qıymet kesti.