2018 senesi saban ayı (mart) 23 künü Ukraina Prezidentiniñ Qırım MC Daimiy Temsilcisi Borıs Babin Herson şeerinde Ukraina devlet sıñır hızmeti Azaq-Qaradeñiz regional idaresiniñ 18-ci yıldönümine bağışlanğan tantanalı tedbirlerde iştirak etti. 2000 senesi baarniñ bu kününde Cenübiy yönelişniñ kücleri ve vastaları esabına Ukraina sıñır ordulsınıñ Qırım yönelişi teşkil etildi. Aqmescit şeerinde yerleşip, o 2002 senesi ‘‘Azaq-Qaradeñiz yönelişi’’, 2003 senesi ise – ‘‘Azaq-Qaradeñiz regional idaresi’’ olaraq adlandırıldı. Qırım işğal etilgen soñ regional idareniñ yañı hızmet yeri Herson şeeri oldu ve idare 2004 senesi saban ayında bütün gemi ve katerleri ile beraberlikte Qırımdan çıqtı.

Yıldönüm munasebetinen Daimiy Temsilcisi öz emiri ile Azaq-Qaradeñiz regional idaresiniñ bir sıra hadimlerini fedakâr emekleri içün Temsilcilikniñ teşekkürnameleri ve fahriy yarlıqlarınen mukâfatladı. Azaq-Qaradeñiz regional idaresiniñ hadimleri ögünde çıqışta bulunır eken, Boris Babin işğal etilgen Qırımnı vaqtınca terk etken idare mıtlaqa evelki hızmet yerine qaytacağını qayd etti ve sıñır qorçalayıcılarğa idareniñ mesuliyetinde olğan vaqtınca işğal etilgen topraqlarınen memuriy sıñırınıñ ve Ukraina devlet sıñırınıñ qorçalavında ve mudafaa etüvinde azimkârlıq ve mertlikleri içün teşekkür etti.