Ukraina Prezidentiniñ Qırım MC Temsilciligi Qırımda yaşağan ya da vaqtınca işğal etilgen yarımadadan memleket içinde köçken Ukraina vatandaşlarını can-yürekten Ukraina Esas qanun künü ile hayırlay.

Eminmiz ki, Ukrain halqınıñ Esas qanun ile pekitilgen aq-uquqları, temel halqlarnıñ aqları, insan ve vatandaş aqları ve serbestlikleri işğalden azat etilgen Qırımda ğayrıdan tiklenir. Bügünde-bügün ise Temsilcilik diger devlet organları ile beraberlike Ukrainada qanuniy tertipniñ işğalci devletten qorçalavı boyunca umum milliy vazifeni becere. Bizim ğalebemiz qaçınılmaz, çünki o aq ve aqiqatqa esaslana.