2018 senesi yanvar 16 künü Ukraina Prezidenti Ukrainada akkreditatsiya etilgen çetel memleketleriniñ diplomatik temsilcilikleriniñ ve halqara teşkilâtlarınıñ yolbaşçıları ile Ananeviy körüşüvini keçirdi. Körüşüvde Prezident ağımdaki sene devamında işğal olunğan Qırım ve Donbass topraqlarından diger ukrain reineleriniñ ve Rusiyeniñ apishanelerinde bulunğan siyasiy mabüsleriniñ eñ yaqın vaqıtta Ukrainağa qaytarıluvı üzerinde çalışacağımıznı qayd etti. Ukraina işğal olunğan ukrain toqraqlarını barışıq, diplomatik-siyasiy yolunen ğayrıdan integratsiya etmege tırışacaq. Ukraina Prezidenti qayd etkenine köre, ‘‘bu em Donbass, em Qırım içün bir işaret: siz Ukrainanıñ ayırılmaz qısımlarısıñız, ve biz siziñ eviñizge eñ yaqın vaqıtta qaytmañız içün elimizden kelgenini yapacaqmız’’.

Fursattan faydalanıp, Ukraina Prezidenti öz Muracaatında BMT Baş Assambleyasınıñ işğal olunğan Qırımda insan aq-uquqları boyunca Rezolütsıyasına qol tutqan ve bilhassa Rezolütsiyanıñ müellifdeşleri ve Qırımnıñ işgalden azat etilüvi boyunca halqara platformanıñ azaları olaraq Ukrainağa dost olğan bütün devletlerge teşekkür etti.

Ananeviy körüşüvge davet etilgen Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin merasim devamında vekâleti çerçivesinde merkeziy icra akimiyetniñ yolbaşçıları, Ukraina halq mebusları, Qırımtatar Milliy Meclis reberiyeti, Litva ve Büyük Britaniya diplomatları, halqara teşkilâtlarınıñ vekilleri ile semereli muzakereler keçirdi.

Ukraina Prezidenti Muracaatınıñ ukrain tilinde tolu metini:

http://www.president.gov.ua/…/zvernennya-prezidenta-ukrayin…