Aziz ukrain halqı!

Kök Yüzlüginiñ Qaramanları Künü – öz ayatları esabına Ukrainağa bağımsız, demokratik, dünyağa açıq devlet olmağa, epimizge ise kelecegimizni öz qollarımıznen qurmağa imkân yaratqan cesaretli vatandaşlarımıznıñ hatıra künüdir.

Canlarını feda etip, Menlik İnqilâbını ğalebege ketirgen, hainlerniñ ğayretlerine boysunmağan, yeñilmez ukrain ruhunı numayış etken qaramanlarnı ğurur ve minnetdarlıq ile añamız.

Yüreklerinde Ukrainağa sevgi, ellerinde taştan ğayrı başqa silâları olmağan qorqu bilmez askerlerniñ cesareti 4 yıl evelsi bütün dünyanı bizge qol tutuvda birleştirdi ve bügünde-bügün millionlarnen ukrainalı vatanperverni ‘‘rus dünyasınıñ’’ melez çağrılarınen küreşmege ruhlandıra.

Tek bir doğru yolumız bar, o da Donbasnıñ işğal olunğan qısımını azat etmek, Rusiye Federatsıyası tarafından ilhaq etilgen Qırımnı qaytarmaqtır.

Menlik ve azatlıq ideallerine sadıq qalıp, milliy birligimizni pekiştirmelimiz, küçlü, demokratik ve abadan memleketni qurmalımız, ordumıznı  quvetleştirmelimiz ve bağımsız avropalı Ukrainada yaşağanımıznıñ er aniniñ qıymetini bilmelimiz.

Kök Yüzlüginiñ Qaramanlarına şan-şüretler olsun!

Ukrainağa şan-şüretler olsun!                                                                                   Petro POROŞENKO