1932-1933 seneleri yüz bergen Açlıq Qırımğa az tesir etti. Qırım, ukrainalılarnıñ açlıqtan saqlanğan yerleri edi, kimerde olar yarımadada ötmek satın alıp, onı öz tuvğanlarına alıp ketip ola ediler.

Qırım, 1932-1933 seneleri yüz bergen Açlıqnıñ sunniy şekilde teşkil etilgenini açıq-aydın isbatlarından biri edi. Herson vilâyetinde işbu facia sebebinden bir sıra ruhiy bozuluvlar, suiqastlar yüz berdi, atta adamlar bir-birini aşay edi, fizikiy ve iqtisadiy ceetlerinden az farqı olğan qomşusı Qırımğa ise açlıq pek tesir etmedi.

1932 senesi ilk qış ayınıñ 31-de imzalanğan sovet fermanı, yarımadada ötmek serbest satışta olğanına baqmadan, yerli çekistlerge “dolandırıcılıqqa”, bazalarda ayrım mülklü alıcılar ile satıcılarnıñ kütleviy şekilde yayılmasına yol bermemege emir etken edi.

1933 senesi arman ayınıñ 8-de Moskovadan yükseksıqlı telefon bağı vastasınen yarımadada aşlıq, un ve ötmek satışınıñ yasaqlanmasını maqsad etip qoyğan tedbirler aqqında üç ayda bir esabat bermege talap etildi.

1933 senesi ekim ayınıñ 23-de mahsus mektüp ile Qırım çekistleri ögüne yerine ketirilmesi telüke altında bulunğan ”ihracat kampaniyasına operativ şekilde hızmet etüvni maksimal derecede quvetleştirmek vazifesi qoyulğan edi. ”Eksportötmek” şirketi tarafından aşlıq saqlap tutulğanda, qayta işlengende ve yüklep yollanğanda yüz bergen bozuluvlar qayd etildi. Ukraina qıtasında ana-babalar açlıqtan öz balalarını aşağan vaqıtta Qırım limanlarından sovet akimiyeti aşlıqnı çetelge alıp kete – tezya ile çetel aqçalarına deñiştire edi.

Böyleliknen, 1930 senelerniñ başlarında Qırımda aşırı derecede açlıq olmağan edi, aksine – çaresiz qalğan ukrain köylüleri yarımadada ölümden qurtulmağa tırışa ediler. Amma böyle al ve Qırım ile Ukrainanıñ qıtası arasındaki iqtisadiy bağlarnı üzmege tırışqan kommunistler akimiyetiniñ faal tedbirleri Açlıqnıñ sunniy şekilde teşkil etilgenini isbatlay.

İşletilgen malümatnıñ menbası: Qırım.Aqiqat